| Custodes.— | Robert Besaunt. | Anno vijo. |
| Jokell le Josne. | ||
| [Custodes.]— | Gerard de Antiloche. | Anno viijo. |
| Robert Duraunt. |
An heretike with the long berde.
In this yere the kyng come in to Engelond, and tok the castell of Notynghame, and disherited John his brother. And the same yere kyng Richarde was crowned ayeyne at Westm’. And in the same yere an heretyke called with the longe berd was drawen and hanged for heresye and cursed doctrine that he had taughte
| [Custodes.]— | Roger Blount. | Anno ixo. |
| Nicholl Doket. |
Ordre of the Trynyte.
The same yere, the yere of oure lorde a ml’clxxxxviij, began the ordre of Trynyte. The same yere deyde pope Celestyne; and thanne succeded Innocent. Slewe the frenche king.And in this yere kyng Richard seiled over the see into Normandye and sclewe the kyng of Fraunce.
| [Custodes.]— | Constantyne Fitz Arnulf. | Anno xmo. |
| Robert le Beale. |
Rex Ric’us int’fectus fuit ap’d Castru’ Gaillard in France.
In this yere, that is to sey the yere of oure lord a ml’cxxxxix, the kyng was sclayne atte the castell Gaillarde in Fraunce with schot of a venemed quarelle in the heed. Neverthelees or he deyde the castell was wonne and his body setthe entered at Pount Ebrarde with hys fadir Henry the secounde. Whan the kyng Richard was thus hurt, with his owne hand he pulled out the quarelle, and anon the wonde rancled; and whan the kyng wyste that his wounde was dedly, he comaunded anoone his peple scharply assawte the town, and so it was wonne: and the kyng dede his will with them that were withinne: among othere he lete comaunde hym to be brought before hym that schotte that quarrelle; and whanne he cam the kyng asked his name. Bertram Gordon.Sire, seide he, my name is Bertram Gordone. Wherfore, seide the kyng, have ye sclayne me? dede y yow ever ony harme? Nay, sire, q’d Bertram; but, sire, with youre owne hond ye sclowe my fadir and my brothir, the whiche y have quytte yow. Now thanne, q’d the kyng, he that deyde for us on the crosse he save us from helle, he foryef yow my deth, and y foryef it yow. And the kyng comaunded hym an hundred schillynges of silver, and chargyd upon lyf and membre that no man schulde dow hym non harme: natheless certeyn persones of the kynges hous sued after hym and sclow hym after his departyng. And so kyng Richard obite is the vj day of April.