| [Custodes.]— | Normane Bloundene. | Anno iiijto. |
| John of Ely. |
Hailstones grete:
In this yere of oure lord a ml’ccij, there fallen grete reynes, and hailstones as gret as an ey medlyd with reyn, where thorugh trees, vines, cornes, al manner frutes were moche distroied; and the peple were sore abaysshed, and foules were seyn berynge fyer in the eyr in there billes.for there were seyn foules fleynge in the eyre berynge in there billes brennyng coles, whiche brenden manye houses. And in this yere Engelond and Walys were enterdited, and stood so vj yere and more, for the kynges trespas.
TEMPORE REG’ JOH’IS. [1203-1208.]
| [Custodes.]— | Wat’ Broune. | Anno quinto. |
| Will’m’ Chamb’leyne. |
A quart’ of whete at xxv s.
In this yere of oure lord a ml’cciij a quarter of whete was worth xxv s., and a cistern of wyn was worth iiij s.
| [Custodes.]— | Thomas Hav’yll. | Anno sexto. |
| Hamo Bonde. |
In this yere were too mones seyn. Frere P’chours ordre began. A gret wynt’ and long durynge.
In this yere were seyn at oones too fulle mones in the firmament. And in this yere of oure lord a ml’cciiij began the ordre of Frere P’chours, in the cuntre of Tholomeis, undir duke Domynyk. Also in this yere was a strong wynter and an hard, fro the circumcisione of oure lord til the annunciation of oure lady.