That on a Sonday were upon hir heed.
Hir hosen weren of fyn scarlet reed,
Ful streite y-teyd, and shoos ful moiste and newe.
Bold was hir face, and fair, and reed of hewe.
She was a worthy womman al hir lyve,
Housbondes at chirche-dore she hadde fyve,
Withouten other companye in youthe;
But therof nedeth nat to speke as nouthe.
And thryes hadde she been at Jerusalem;
She hadde passed many a straunge streem;