At Rome she hadde been, and at Boloigne,
In Galice at seint Jame, and at Coloigne.
She coude much of wandring by the weye;
Gat-tothed was she, soothly for to seye.
Upon an amblere esily she sat,
Y-wimpled wel, and on hir heed an hat
As brood as is a bokeler or a targe;
A foot-mantel aboute hir hipes large,
And on hir feet a paire of spores sharpe.
In felawschip wel coude she laughe and carpe.