Torinus lectori felicitatem.
Hasce plusculas recognitiones, lector optime, oro non admirare. Sic eas ab exemplari vetere diversas collegi, ut tibi non pigra manu librum emendare possis. Errores chalcographis imponerem; sed ars ipsa prelaria suopte more hoc in se habet, ut ne libellus quidem sine aliqua menda prorsus imprimi possit. Vale.
Ad studiosum Epigramma per Torinum.
Oppida si centum, centum si sedulus urbes
Certo cum spacio, lector, adire paras,
Centena portus si cum statione marinos
Excupis, et recta doctior ire via,
Hunc tibi comprimis habilem studiose libellum
In dextra gratus semper habeto manu.