Torinus ad Librum.
I, Liber, ad vatum penetralia sacra piorum;
Es facilis, tersus, candidus, atque probus.
Exornatus habes nardosque, rosasque, crocosque,
Cum Phœbo et latias numina grata Deas.
Ne vereare Deos tecum vectare faventes,
Spirantem lauros te super astra ferent.
Agnes Torina, virguncularum modestissima suavissimaque, de tumulo viatorem alloquitur.
Qui levibus transis pedibus, dilecte viator,
Siste parum; ecce, tibi dicere pauca libet.