V. Unde illi tantæ frugis veniebat origo?
G. Sedibus a superis, unde venire solet.
V. Ut divina igitur versus faciebat amœnos?
G. Ut divina, sui et iussa secuta patris.
V. Illius an etiam genitor modulamina tractat?
G. Tractat, et est vates candidus atque probus.
Est probus et facilis, tersus, florensque, decensque.
Est quem divino carmine Musa beat.
V. Mecenate aliquo certe dignissimus ille est.
G. Mecenas Franco rarus in orbe viget.