Nemo hodie ingenuas donis conformibus artes
Aut fovet, aut ulla sorte fovere parat.
Non est in pretio probitas, nec candida virtus.
Infelix adeo regnat Avaricia.
Fraus, dolus et vitium prestant; virtutibus omne
Postpositis miserum serpit ubique nephas.
V. Quid facit ille igitur Musis excultus amœnis?
G. In propria gaudet vivere posse domo.
V. Ad reges alacri deberet tendere passu.
G. Non curat, quoniam libera corda gerit.