Isti nonnunquam gaudent spectare potentes
Carmina, sed quid tum: nictibus illa beant.
Deberent gemmis auroque rependere puro
Aurea de superis carmina ducta polis.
Sed potius fatuis, nebulonibus atque prophanis
Contribuunt stulti grandia dona leves.
V. Ille suam natam studiis ornabat honestis?
G. Ornabat studiis, artibus atque bonis,
V. An quoque et illa libens patris præcepta tenebat?
G. Nil magis optabat quam patris ora sequi.