V. O tam plausibili virguncula digna parente!
O etiam tali stirpe beate pater!
G. Illa modo lætis in nubibus alma refulget,
Ut jubar exortum, sidus ut aureolum.
V. Æthereis fulgens in sedibus illa triumphet,
Et patrem secum filia grata trahat.
G. In rem vade tuam, si vis modo abire, viator:
Hæc sunt quæ volui dicere. Amice, vale.
V. Sis felix tumuli custos, urnæque retector;
In rem vado meam sedulus et properus.