9 Sēo Wīsle is swȳðe mycel ēa, and hīo[2] tōlīð Wītland and
10 Weonodland; and þæt Wītland belimpeð tō Estum; and
11 sēo Wīsle līð ūt of Weonodlande, and līð in Estmęre;
12 and sē Estmęre is hūru fīftēne[3] mīla brād. Þonne cymeð
13 Ilfing ēastan in Estmęre of ðām męre, ðe Trūsō standeð
14 in stæðe; and cumað ūt samod in Estmęre, Ilfing ēastan
15 of Estlande, and Wīsle sūðan of Winodlande. And
16 þonne benimð Wīsle Ilfing hire naman, and ligeð of þǣm
17 męre west and norð on sǣ; for ðȳ hit man hǣt
18 Wīslemūða.