Temporaque adventans mihi tardior inficit aetas,
Adsumus hic, patriosque lares, et linquimus arva,
Pinguia quæ Rheni preterfluit unda minoris:
Linquimus et colles, varium queis Daedala tellus
Submittit florem et vites—tua munera, Bacche!
Linquimus et turres, quarum altera celsa minatur
In cœlum, impendit præfracto vertice flexa
Altera, nutanti similis jam jamque ruenti.
Adsumus hic tandem, Eumetes[577] cum tempora vittâ
Tergeminâ redimit, cœlique oracula promit.