Scilicet hic nobis suprema e sede benignus,
Annuit. Æternam tum nos advenimus Urbem.
Hic vestra assidue lustrans decora alta, Quirites,
Quaeque recens tulit, et quæ prisci temporis aetas.
Vocibus hæc refero, “Vos terque, quaterque beati,
Non peritura quibus vulgata est fama per orbem!”
Eximia at quoties cerno heic monumenta virorum,
Felsina quos aluit, quosve extulit infula Petri,
Quive aedes vestras decorant et Templa, Quirites,
Tunc animus nobis patriæ exardescit amore!