Elatosque gerens animos cœlique flage lum,
Sese compellans, sibi totum adsciverat Orbem.
Ergo suis atrox erumpit sedibus, atque
Bella ciet populis late, crudelia bella;
Omnia namque furens ferro populatur et igne;
Efferus incedit per membra fluentia tabo;
Respicit, et gaudet loca jam convulsa ruinis.
Immites primum Dacas juga ferre coegit;
Tum quoque Bistonios, dein Odrysiosque feroces;
Illyriumque; tuas exin, Germania, terras!