Illum nec Rhenus nec Gallia terret ovantem;
Pulsus, proh, remeat, pelagi ceu refluit unda!
Ocius ille domum rediit: pudor incitat iras;
Agmina dira legit, bellumque ferocius urget,
Ac nova Romanæ meditatur praelia genti.
Qualis percussus saevo leo vulnere, pugnam
Integrat, et late silvas rugitibus implet;
Talem Hunnorum Rex gestans in corde furorem,
Italiae ingreditur campos et milite complet.
Omnis humo fumat jam Aquileja; Mediolanum,