Dux, movet et castra. Est eadem sententia menti,
Cum subito miserisque dolens, et cœlitus actus,
Magnus adest Leo, sacra vitta et veste decorus.
Constitit ille tremens, stupet, et vox faucibus hæret!
Verba deinde audit dulci stillantia melle;
Mitescunt animi dictis, et corda residunt.
“Attila quo cessere minæ, quo spiritus acer?”
Hæc miles. Contra Hunnorum Rex talia fatur:
“Nonne duos aetate graves atque ore severo,
Delapsos caelo spectas mortemque minantes,