When the Ordination and entry of Ministers shall be conformable to the Ordinance of God, there is to be expected a richer blessing shall be powred out from above, both of furniture and assistance upon themselves, and of succeese upon their labours; for which end as our earnest desire is, that the Directory for it may be established; so doe we exceedingly long to see the common Directory for worship perfected, which may prove an happy means of that wished for Uniformity in the Kirks of the three Kingdomes, shall (we trust) direct by all Rocks of offence and occasions of stumbling, and shall remove all these corruptions wherewith the Lords sacrifice and service hath been defiled.
That point concerning a change of the Paraphrase of the Psalmes in Meeter, we have referred to the Commissioners here, whose power and Commission granted by the preceding Assembly, we have renewed and continued.
That there be difficulties concerning Kirk-Government, wee think it not strange for these reasons you lay out before us; yet because the minds of men are still in suspense upon the successe of the determination of that Reverend Assembly on the one hand, and upon the successe of the Warre on the other; which doth not a little faint their hearts and feeble their hands, both you and we must be instant with God and man for a finall determination of all these debates, and a happy and speedy conclusion of this great affaire, so much concerning his own glory and the good of his Kirk. Now the Lord lead you in all truth, and give you understanding in all things.
Subscribed in name of the Generall Assembly by the Moderator.
Edinburgh, 4 June, 1644.
The Assemblies Letter to the Kirks in the Netherlands.
Fratres in Domino plurimum colendi,
QUÆ anno superiore Ecclesiarum Zelandicarum nomine, missæ sunt ad nos Literæ, ut eas communis totius Ecclesiæ vestræ Belgicæ voluntatis testes fuisse interpretaremur, effecit benevolentia vestra tot tantisque officiis nobis spectata: quam sententiam nobis confirmarunt ea quæ copiosè clarissimus Eques D. Archibaldus Jonstonus Varistonus in foro supremo Judex, a reliquis tum Ordinum tum Ecclesiæ hujus Regni Delegatis Londino non ita pridem remissus, in hac ipsa Synodo Nationali de eximio vestro erga nos studio commemoravit: præsertim quanta fide, quam solicita diligentia nostram, vel Domini potius nostri Jesu Christi causam, quæ nunc Londini agitur, et promoveritis, et promovere etiamnum satagatis. Quo in negotio, ex iis, quorum ab eo recitata audivimus nomina, de propensa reliquorum voluntate et cura, ut conciliandæ Ecclesiarum Britannicarum unionis fœliciter suscepta consilia, vestra ope et opera prosperum mature sortiantur exitum, minime obscura fecimus indicia. Sunt hæc tam illustria benevolentiæ vestræ testimonia, et in omnium bonorum oculis adeo perspicua, ut eorum memoriam nulla unquam delere potuerint oblivia. Laboris autem et jam impensi et porro suscepti ad controversias in Synodo Londinensi suborientes fœliciter expediendas et decidendas nequando pœniteat, ex eo quem per divinam jam benedictionem fructum cepistis, optima quæqui in posterum sperare consentaneum est.
Huic tam honorificæ beneficiorum vestrorum commemorationi a D. Varistonio factæ supervenerunt ex partibus Hiberniæ aquilonaribus Literæ multorum Chirographis subsignatæ; Qui singularis gratiæ in illam Ecclesiam divinitus effusæ, ex quo tempore in societatem fœderis trium unitorum sub Rege nostro Regnorum admissi sunt, mentione facta, “hujus inquiunt divinæ benedictionis amplissimum nuper habuimus testimonium, Sanctorum in Belgio liberalitatem eximiam; qui nobis, ignotis licet et peregrinis, fratres se nostri amantissimos, et malorum nostrorum sensu tenerrimo compunctos aperte demonstrarunt. Pauculos enim nos gladio superstites, et fame propediem interituros, omnibus extremis circumventos, in ipso articulo sublevarunt: nec tantum oratione ad consolationem composita nobis animos confirmarunt, hortantes ut humiliter incedentes Deum liberatorem expectemus, qui non nisi ad breve tempus faciem suam ad domo Jacob abscondere solet, sed subsidio insuper opulento cum annonæ, tum aliarum rerum ad nostram in tantis angustiis relaxationem et solatium necessariarum, copiose nos refocillarunt. Tantam munificentiam cum supplices a Deo contendimus, ut septuplam ipsis in sinum rependat, tum demisse vos etiam atqui etiam rogamus, ut in tanti beneficii agnitione Ecclesiis Belgicis, nobiscum gratias agatis.” Hæc illi. In quo quidem officio si illis desimus, in nos pariter et illos graviter peccemus.
Agnoscimus igitur illustrissimorum et potentissimorum Hollandiæ, Zelandiæ, aliorumqui Ordinum Belgicorum tam eximiam beneficentiam: quibus non conniventibus modo et permittentibus (quod ipsum non vulgare beneficium habendum esset) sed authoribus etiam, modumque et rationem præscribentibus, exemplo quoque præeuntibus, in subsidium fratrum nostrorum Hibernensium collecta per Ecclesias facta ad ipsos mature deportata sit: Agnoscimus piorum in iisdem Ecclesiis Belgicis tam expromptam voluntatem et liberalitatem: agnoscimus tantum beneficium non in ipsos magis fratres nostros, quam in illorum persona in nosmetipsos esse collatum: Vosque (fratres Reverendi) obnixe rogatos volumus, ut quemadmodum nos ad omnem grati animi significationem prompti semper erimus, ita qua vobis potissimum ratione commodum videbitur, illustrissimis et potentissimis Ordinibus nostro nomine gratias agatis: populo autem Christiano curæ vestræ commisso tum publice universo, tum privatim singulis, ut occasio tulerit, demonstretis quam honorifice de ipsis sentiamus, et quanti faciamus tam eximiam benevolentiam et charitatem, qua in Ecclesiarum Hibernicarum consolatione viscera nostra refocillaverunt. Quæ autem vestræ fuerint partes, fratres charissimi, quam pio studio et labore, quam assidua diligentia tantæ charitatis semen in segetem et maturam tandem messem provexeritis, cum nos libentes agnoscimus, tum res ipsa loquitur, et fructus opimus abunde testatur. Imprimus autem (quod caput est) tantæ gratiæ authorem et largitorem nos una cum Ecclesiis Hibernicis laudamus et celebramus: comprecantes ut in vos universos, in Ecclesias a Domino vobis commissas, in illustrissimos Belgii vestri Ordines Spiritum suum copiose effundat, ut quemadmodum in Rep. vestra adversus hostem potentissimum defendenda, et inter tantas bellorum moles indies amplificanda, in Evangelii luce et veritate incontaminata contra inferorum portas in vestris Ecclesiis propugnanda, atque inde latius propaganda, immensa Dei vobis excubantis potentia, multiformis sapientia, et eximia beneficentia, per universum terrarum orbem hactenus celebrata est; ita bonis omnibus vos deinceps cumulare pergat idem fons omnis bonitatis, ut frementibus religionis et libertatis vestræ hostibus, sapientiæ et optimarum artium juxta ac armorum triumphorumque gloria inter nobilissimas gentes Resp. vestra fœderata quotidie magis emineat, Ecclesia sacrorum puritate, et cœlestis veritatis splendore perspicua refulgeat; eoque prospere vobis cedant vestra prudentissima et saluberrima consilia, quibus certissimum ad fœlicitatem publicam compendium vos capessere demonstratis, nec vobis tantum consulitis, sed de vicinis etiam Ecclesiis soliciti, qua opera, qua consilio opibusque vestris eas sublevatis et confirmatis omnes, et quasi de specula universis prospicientes de periculis imminentibus commone facitis, et ad ruinam ab hostibus dolose machinatum mature præcavendam armatis.