si Phrygas, adde; parum! propriae solacia sorti 205
communes vult esse notas et venditus ipse
vendere cuncta cupit. certantum saepe duorum
diversum suspendit onus; cum pondere index
vergit, et in geminas nutat provincia lances.
Non pudet heu, superi, populos venire sub hasta?
vendentis certe pudeat, quod iure sepultum 211
mancipium tot regna tenet, tot distrahit urbes.
pollentem solio Croesum victoria Cyri
fregit, ut eunucho flueret Pactolus et Hermus?