sacri, quos petimus, thalami. pernicius omnes
quaerite, seu concha Libycum circumsonat aequor,
Aegaeas seu frangit aquas. quicumque repertum
duxerit, aurata donabitur ille pharetra.”
Dixerat et sparsa diversi plebe feruntur 135
exploratores. pelagi sub fluctibus ibat
Carpathiis Triton obluctantemque petebat
Cymothoën. timet illa ferum seseque sequenti
subripit et duris elabitur uda lacertis.
“heus,” inquit speculatus Amor, “non vestra sub imis