furta tegi potuere vadis. accingere nostram 141
vecturus dominam: pretium non vile laboris
Cymothoën facilem, quae nunc detrectat, habebis.
hac mercede veni.”
Prorupit gurgite torvus
semifer; undosi verrebant brachia crines; 145
hispida tendebant bifido vestigia cornu,
qua pistrix commissa viro. ter pectora movit;
iam quarto Paphias tractu sulcabat harenas.
umbratura deam retro sinuatur in arcum