tu civem patremque geras, tu consule cunctis,
non tibi, nec tua te moveant, sed publica vota. 295
“In commune iubes si quid censesque tenendum,
primus iussa subi: tunc observantior aequi
fit populus nec ferre negat, cum viderit ipsum
auctorem parere sibi. componitur orbis
regis ad exemplum, nec sic inflectere sensus 300
humanos edicta valent quam vita regentis:
mobile mutatur semper cum principe vulgus.
“His tamen effectis neu fastidire minores