cuncta revolvuntur; nosti quo tempore pontus 105
fuderit elatas scopulis stagnantibus undas,
quis Phaëthonteis erroribus arserit annus,
et clades te nulla rapit solusque superstes
edomita tellure manes: non stamina Parcae
in te dira legunt nec ius habuere nocendi. 110
XXVIII. (XLVII.)
Nilus.
Felix, qui Pharias proscindit vomere terras:
nubila non sperat tenebris condentia caelum