Ipsa domum tenero mulcens Proserpina cantu
inrita texebat rediturae munera matri.
hic elementorum seriem sedesque paternas
insignibat acu, veterem qua lege tumultum
discrevit Natura parens et semina iustis 250
discessere locis: quidquid leve, fertur in altum;
in medium graviora cadunt; incanduit aër;
legit flamma polum; fluxit mare; terra pependit.
nec color unus erat: stellas accendit in auro,