"Hunc spectans tumulum, titulo cognosce sepultum;
Est via virtutis nôsse quis ipse fuit.
Dum quater hic denos ævi venisset ad annos,
Quæ fuerant secli sprevit amore Dei.
Mutans ergò vices, mundi de milite miles
Fit Christi subito, Monachus ex laïco.
Hinc sibi, more patrum, socians collegia fratrum,
Curâ, quâ decuit, rexit eos, aluit.
Quot quantasque vides, hic solus condidit ædes,
Non tàm divitiis quàm fidei meritis.