Herba annua, glabra (quandoque pube rara simplici). Folia crassiuscula, inferiora obovata in petiolum attenuata grosse dentata, media sæpe incisa, superiora linearia. Racemi oppositifolii, ebracteati. Flores parvi erecti, petalis violaceis venis saturatioribus. Siliculæ racemosæ, divaricatæ, inferiores sæpius deflexæ.

Calyx erectus, æstivatione valvata, ipsis apicibus vix imbricatis. Petala unguiculata, laminis obovatis sub æstivatione mutuo imbricatis. Stamina distincta, edentula, singulum par longiorum glandula subquadrata extus stipatum; breviora, quantum e speciminibus observare licuit, eglandulosa. Ovarium brevissime pedicellatum, ovulis adscendentibus nec horizontalibus. Stylus brevis. Stigma capitatum vix bilobum. Silicula breviter manifeste tamen stipitata, oblonga nunc oblongo-elliptica. Valvulæ uninerviæ reticulato-venosæ. Dissepimentum e lamellis duabus separabilibus uninerviis venis anastomozantibus obsoletis: areolis subtransversim angustato-linearibus, parietibus (tubulis) rectis subparallelis. Funiculi horizontales, dimidio inferiore septo arcte adnato superiore libero.

[91]Flor. Lib. Specim. p. 34. tab. 16. f. 1.

[92]

KONIGA.

Konig. Adans. fam. 2. p. 420. Lobularia. Desvaux in Journ. de Botan. appl. 3. p. 172. Alyssi sp. Hort. Kew. ed. 2. vol. 4. p. 95. De Cand. Syst. Nat. 2. p. 318. Lunariæ sp. Viv. Libyc. p. 34. Farsetiæ sp. Spreng. Syst. Veg. 2. p. 871.

Char. Gen. Calyx patens. Petala integerrima. Glandulæ hypogynæ 8! Filamenta omnia edentula. Silicula subovata, valvis planiusculis, loculis 1-polyspermis, funiculis basi septo (venoso, nervo deliquescenti,) adnatis. Semina (sæpissime) marginata. Cotyledones accumbentes.

Herbæ (annuæ v. perennes) pube bipartita appressa incanæ. Folia integerrima sublinearia. Racemi terminales, nunc basi foliati. Flores albi.

Calyx basi subæqualis. Petalorum laminæ dilatatæ. Antheræ ovatæ. Glandularum quatuor per paria filamenta longiora lateraliter adstantes; reliquæ quatuor abbreviatæ geminatim filamenta breviora stipantes. Dissepimentum, præter areolas ultimas (laminæ duplicis) transversim lineares parietibus (tubulis) rectis subparallelis, venis crebre anastomozantibus a nervo descendenti e duobus arcte approximatis formato supra basin evanescenti in monospermis obsoleto ortis descendentibus. Funiculi in dispermis polyspermisque in diversis loculis alterni.

Obs. Koniga ad Alyssinearum tribum De Cand. pertinens, hinc Alysso auctorum inde Farsetiæ accedit. Sed Alyssum, uti in Hort. Kew. et De Cand. Syst. Nat. constitutum sit, certe divisionem eget.