Aesoniden, Ormonde, refers; et forte puella,
Quae tibi Medeam praestet, Ibera fuit.
At quantum Argolicae praeluxerit Angla juventae,
Sit memor aeterno carmine fama loqui.
Unica tunc unam decoravit praeda carinam;
Millia nunc referunt vellera mille rates.
Anna, parens orbis, pretiosam carpere lanam
Incipe, et augusta fila novare manu;
Protinus optato flavescent saecla metallo,
Et fluet e fusis aurea vita tuis.