Flaminium cecidisse sua. Nec pugna perempto
Ulterior ductore fuit; namque agmine denso
Primores iuvenum, laeva ob discrimina Martis
Infensi superis dextrisque, et cernere Poenum
Victorem plus morte rati, super ocius omnes
Membra ducis stratosque artus certamine magno
Telaque corporaque et non fausto Marte cruentas
Iniecere manus. Sic densi caedis acervo
Ceu tumulo, texere virum.
Silius Italicus, v. 644-666.