Naturamque sequi patriaeque impendere vitam
Nec sibi sed toti genitum se credere mundo.
Huic epulae, vicisse famem; magnique penates,
Summovisse hiemem tecto; pretiosaque vestis,
Hirtam membra super Romani more Quiritis
Induxisse togam . . .
Iustitiae cultor, rigidi servator honesti,
In commune bonus: nullosque Catonis in actus
Subrepsit partemque tulit sibi nata voluptas.
Lucan, Pharsalia, ii. 374-391 (sel.)