[B] This is on a separate piece of parchment, tacked on to the main document, which follows.
APPENDIX VI.
The Charter.
[From Original, in possession of the Governors.]
EDWARDUS Dei gracia Anglie et Francie et Hibernie Rex et in terra Ecclesie Anglicane et Hibernice Supremum Caput Omnibus ad quos presentes littere pervenerint Salutem.
Sciatis quod nos ad humilem peticionem tam Dilecti capellani nostri Johannis Nowell, clerici, vicarii ecclesie parochialis de Gegleswycke in Craven in comitatu nostro Eborum et dilecti nobis Henrici Tenant, generosi, quam ceterorum Inhabitancium ville et parochie de Gegleswicke predicta pro Scola Grammaticali in Gygleswicke in Craven in dicto comitatu Eborum erigenda et stabilienda pro institucione, erudicione et instruccione puerorum et juvenum.
De gracia nostra speciali et ex certa sciencia et mero motu nostris volumus, concedimus et ordinamus quod de cetero est et erit una Scola grammaticalis in Gigleswyck predicta que vocabitur Libera Scola Grammaticalis Regis Edwardi sexti in Gygleswyck, et scolam illam de uno Ludimagistro seu Pedagogo et uno Subpedagogo seu Ypodidasculo pro perpetuo continuaturam erigimus, creamus, ordinamus, fundamus, et stabilimus per presentes.
Et ut intencio nostra predicta meliorem capiat effectum et ut terre, tenementa, redditus, revenciones et alia ad sustentacionem Scole predicte concedenda assignanda et appunctuanda melius gubernarentur pro continuacione ejusdem, volumus, et ordinamus, quod de cetero sint et erunt infra villam et parochiam de Gygleswycke predicta octo homines de discrecioribus et magis probioribus inhabitantibus ejusdem ville et parochie pro tempore existentibus, unde vicarius ecclesie parochialis ibidem pro tempore existens unus sit, qui erunt et vocabuntur Gubernatores possessionum, revencionum et bonorum dicte Scole vulgariter vocate et vocande libere Scole grammaticalis Regis Edwardi sexti de Gygleswyck. Et ideo sciatis quod nos eligimus, nominavimus, assignavimus, et constituimus, ac per presentes eligimus, nominamus, assignamus, et constituimus dilectos nobis dictum Johannem Nowell, clericum, vicarium ecclesie parochialis de Gygleswycke, ac Willelmum Catterall de Nova Aula, ac prefatum Henricum Tenant, generosum, Thomam Procter de Cletehop, Hugonem Newhouse de Gygleswycke, Willelmum Browne de Settall, Rogerum Armisted de Knyght Stayneforde, et Willelmum Bank de Fesar, inhabitantes ville et parochie de Gygleswycke predicta fore et esse primos et modernos Gubernatores possessionum revencionum et bonorum dicte Libere Scole grammaticalis Regis Edwardi Sexti de Gygleswyck ad idem officium bene et fideliter exercendum et occupandum a data presencium durante vita eorum.