TE KARAKIA
Mo te pikinga o Tawhaki ki te Rangi.—vid. p. [pg 23]_.
Piki ake Tawhaki i te ara kuiti
I whakatauria ai te ara o Rangi,
Te ara o Tu-kaiteuru.
Ka kakea te ara wha-iti,
Ka kakea te ara wha-rahi,
Ko te ara i whakatauria ai
To tupuna a Te Ao-nunui,
A Te Ao-roroa,
A Te Ao-whititera.
Tena ka eke
Kei to Ihi,
Kei to Mana,
Kei nga mano o runga,
Kei o Ariki,
Kei o Tapairu,
Kei o Pukenga,
Kei o Wananga,
Kei o Tauira.
TE TUKU O HINE-TE-IWAIWA.—vid. p. [pg 28]_.
Raranga, raranga tăku takapau,
Ka pukea e te wai,
Hei moenga mo aku rei.
Ko Rupe, ko Manumea,
Ka pukea: ē! ē!
Mo aku rei tokorua ka pukea.
Ka pukea au e te wai,
Ka pukea, ē! ē!
[pg 110] Ko koro taku tane ka pukea.
Piki ake hoki au ki runga nei:
Te Matitikura, ē! ē!
Ki a Toroa irunga,
Te Matitikura, ē! ē!
Kia whakawhanaua aku tama
Ko au anake ra.
Tu te turuturu no Hine-rauwharangi;
Tu te turuturu no Hine-te-iwaiwa.
Tu i tou tia me ko Ihuwareware;
Tu i tou kona me ko Ihuatamai.
Kaua rangia au e Rupe.
Kei tauatia, ko au te inati,
Ko Hine-te-iwaiwa.
Tuku iho irunga i ton huru,
I tou upoko,
I ou tara-pakihiwi,
I tou uma,
I to ate,
I ou turipona,
I ou waewae.
E tuku ra ki waho.
Tuku ewe,
Tuku take,
Tuku parapara.
Naumai ki waho.
KARAKIA
Mo te wahine i pākia nga u i te whanautanga o te tamaiti.—vid. p. [pg 39]_.
Nga puna irunga te homai,
Te ringia ki te matamata
O nga u o tenei wahine;
Te kopata i te rangi te homai
Hei whakato mo nga u
O tenei wahine:
Ki te matamata o nga u
[pg 111] O tenei wahine:
Nga u atarere reremai
Ki te matamata o nga u
O tenei wahine:
Nga u atarere tukua mai.
Tenei hoki te tamaiti te tangi nei,
Te aue nei i te po nui,
I te po roa.
Ko Tu-te-awhiawhi,
Ko Tu-te-pupuke,
Naumai ki ahau,
Ki tenei tauira.
KARAKIA
Mo te whakapikinga o te ara o te tupapaku ana ka mate, kia tika ai te haere ki nga mea kua mate atu imua.—vid. p. [pg 44]_.