124. Ung aultre tableau de Nostre Dame tenant Nostre Seigneur nuz devant elle, clouant à deux feuillêtz, où il y a deux anges tenant l'ung une espée en sa main.[154]
125. Ung aultre tableau de Nostre Dame, ayant une couronne sur sa teste et ung petit enfant tenant une longette paternostre de coral.
126. Ung aultre petit tableau de sainct Françoys au bout duquel il y a escript: Saincte Francise ora pro nobis—
127. Ung Saincte Anthoine à manteau bleu, ayant ung crucifis emprès de luy, tenant ses mains joinctes; sur toille.
128. Ung aultre tableau de Nostre Seigneur, en habit rouge, tenant un baston ou canne en sa main destre, à une couronne d'espine sur son chief.
129. La portraiture de Madame, fort exquise, fête de la main de feu maistre Jacques (de Barbaris).
130. Ung aultre tableau de une jeusne dame, accoustrée à la mode de Portugal, son habit rouge fouré de martre, tenant en sa main dextre ung rolet avec ung petit sainct Nicolas en hault, nommée: la belle portugaloise.[155]
131. Ung aultre tableau de deux petitz enffans, embrassant et baisant l'ung l'aultre sur l'arbette, fort bien fait.
132. Ung aultre tableau exquis de la portraiture d'ung ancien homme, a rond bonnet, son habit fouré de martre, le fond du tableau verd, le dit personnaige venant des mobz de Bruxelles.