133. Ung aultre tableau fort exquis qui se clot à deux feulletz, où il y a painctz un homme et une femme estantz desboutz touchantz la main l'ung de l'aultre, fait de la main de Johannes, les armes et devise de feu don Dieghe esdits deux feulletz nommé le personnaige: Arnoult fin.[156]
134. Ung petit tableau vieux où la représentation de feu le roy dom Phelipe et de Madame, du temps de leur mynorité et portraiture, habillez de drapt d'or.
135. Ung aultre tableau double, assez vieux, figuré de la passion Nostre Seigneur et aultre mistère donné à Madame par MS. le conte d'Hocstraté (on lit en marge: delivré au prieur et religieux de Brou. Voir No. [112]).
136. Ung double tableau, en l'un est Nostre Dame et l'autre, le cardinal de Liegne, laquelle Nostre Dame a este délivrée audit couvent de Broux et le cardinal demore par decha.
137. Ung aultre bon tableau de la portraiture d'ung Espaignol habillé d'ung manteau noir, joinée de velours noir, ayant une petite chayne à son col, ayant aussi une fauce parruque.
138. Ung aultre tableau exquis, où il y a ung homme avec une teste de cerf et ung crannequin au milieu et le bandaige.[157]
139. Ung cruxifis, joignent ledit tableau, fait de la main de maistre Jaques; au pied de la croix sont deux testes de mors et une teste de cheval.
140. Ung aultre petit tableau de la pourtraiture du contrôleur Ourssin.[158]
141. Ung aultre tableau de MS. Sainct Anthoine tenant ung livre et une bericle en sa main et ung baston soubz son bras, le fond de bocaige et estranges figures de personnaiges[159] en marge: délivré aux prieurs et religieux de Broux. (Voir No. [112].)