THE FIFTH DAY
Genesis i. 20, 21, 22, 23
Then Midibble penn’d; Mook sore the panior
Chinn tairie jibbing engris bute dosta,
Tá prey puv be bute dosta chiricles
To vol adrey the rek of the tarpe.Then Midibble kair’d the borie baulo-matches,
Tá sore covar that has jibbing zi adreylis,
The bute, bute tairie covars drey the panior
Sore yeck drey its genos kair’d Midibble,The chiricles that vol adrey the tarpe
Sore yeck drey its genos kair’d he lende:
Then Midibble dick’d that sore was koosho-koshko,
And he chiv’d his koshto rokrapen opreylen:Penn’d Midibble: Dey ye frute ever-komi,
Ever-komi be burreder your nummer,
Per with covars the panior tá durior,
Tá prey puv be burreder the chiricles!Then was sarla tá sorlo panschto divvus.
THE CREATION OF MAN
Genesis i. 27, 28
Then Mi-dibble kair’d Manoo drey his dikkipen,
Drey Mi-dibble’s dikkipen kair’d he leste;
Mush and mushi kair’d Dibble lende
And he chiv’d his koshto rokrapen opreylen:Penn’d Mi-dibble: Dey ye frute ever-komi,
Ever-komi be burreder your nummer;
Per with chauves and chiyor the puvo
And oprey sore the puvo be krallior,Oprey the dooiya and its matches,
And oprey the chiricles of the tarpé,
And oprey soro covar that’s jibbing
And peers prey the mui of the puvo.
THE LORD’S PRAYER
Meery dearie Dad, sauvo jivves drey the tem oprey, be sharrafo teero nav, te awel teero tem, be kedo sore so caumes oprey ye poov, sar kairdios drey the tem oprey. Dey man to divvus meery divvuskey morro; tá for-dey mande mande’s pizzaripenes, sar mande fordeava wafor mushes lende’s pizzaripenes; mã mook te petrav drey kek tentacionos, but lel mande abri from sore wafodupen; for teero se o tem, Mi-dibble, teero o ruslopen, tá yi corauni knaw tá ever-komi. Si covar ajaw.
THE APOSTLES’ CREED
Apasavello drey Mi-dovel; Dad sore-ruslo savo kerdo o praio tem, tá cav acoi tulēy: tá drey lescro yekkero Chauvo Jesus Christus moro erray, beano of wendror of Mi-develeskey Geiry Mary; was curredo by the wast of Poknish Pontius Pilatos; was nash’d oprey ye Trihool; was mored, and chived adrey ye puve; jall’d tulēy ye temno drom ke wafudo tan, bengeskoe starriben; tá prey ye trito divvus jall’d yo oprey ke koshto tan, Mi-dovels ker; beshel yo knaw odoy prey Mi-dovels tatcho wast, Dad sore-ruslo; cad odoy avellava to lel shoonapen oprey jibben and merripen; Apasavello drey Mi-dibbleskey Ducos; drey the Bori Mi-develesky Bollisky Congri; that sore tatcho fokey shall jib in mestepen kettaney; that Mi-dibble will fordel sore wafudopenes; that soror mulor will jongor, and there will be kek merripen asarlus. Si covar ajaw. Avali.
THE LORD’S PRAYER IN THE GYPSY DIALECT OF TRANSYLVANIA
Miro gulo Devel, savo hal oté ando Cheros, te avel swuntunos tiro nav; te avel catari tiro tem; te keren saro so cames oppo puv, sar ando Cheros. Dé man sekhonus miro diveskoe manro, ta ierta mangue saro so na he plaskerava tuke, sar me ierstavava wafo manuschengue saro so na plaskerelen mangue. Ma muk te petrow ando chungalo camoben; tama lel man abri saro doschdar. Weika tiro sin o tem, tiri yi potea, tiri yi proslava akana ta sekovar.