Mœnibus exiguis ingenioque soli.
Cum minime credas, ut avis, densissimus hostis
Advolat, et prædam vix bene visus agit.
Sæpe intra muros clausis venientia portis
Per medias legimus noxia tela vias.
Est igitur rarus, qui colere audeat, isque
Hac arat infelix, hac tenet arma manu.
Vix ope castelli defendimur: et tamen intus
Mista facit Græcis barbara turba metum.
Quippe simul nobis habitat discrimine nullo