hit provokithe a fyne apetide if sawce youre meat be bie;
to the lust of youre lord look that ye haue ther redy
suche sawce as hym likethe | to make him glad & mery.
"Mustard is meete for brawne | beef or powdred motoun;
verdius to boyled capoun | veel | chiken | or bakon;
And to signet | & swan, convenyant is the chawdon,
Roost beeff | & goos | with garlek, vinegre, or pepur, in conclusioun.
"Gynger sawce to lambe, to kyd | pigge, or fawn | in fere;
to feysand, partriche, or cony | mustard with the sugure;
Sawce gamelyn to heyron-sewe | egret | crane | & plovere;