"The first thing," began Alec, "is to store plenty o' ammunition."
"Ay, ay, General."
"Haud yer tongues.—Whaur had we best stow the stanes, Curly?"
"In oor yard. They'll never be noticed there."
"That'll do. Some time the nicht, ye'll a' carry what stanes ye can get—an' min' they're o' a serviceable natur'—to Curly's yard. He'll be o' the ootluik for ye. An,' I say, Curly, doesna your riggin-stane owerluik the maist o' the toon?"
"Ay, General."
"Ye can see our hoose frae't—canna ye?"
"Ay."
"Weel, ye jist buy a twa three blue lichts. Hae ye ony bawbees?"
"Deil ane, General."