“Aboot the cross-bow an’ the birdie, ye ken,” answered David, in a tone of surprise.
“Yes, to be sure. How stupid of me!” said Hugh.
“Weel, ye see, the meanin’ o’ the haill ballant is no that ill to win at, seein’ the poet himsel’ tells us that. It’s jist no to be proud or ill-natured to oor neebours, the beasts and birds, for God made ane an’ a’ o’s. But there’s harder things in’t nor that, and yon’s the hardest. But ye see it was jist an unlucky thochtless deed o’ the puir auld sailor’s, an’ I’m thinkin’ he was sair reprocht in’s hert the minit he did it. His mates was fell angry at him, no for killin’ the puir innocent craytur, but for fear o’ ill luck in consequence. Syne when nane followed, they turned richt roun’, an’ took awa’ the character o’ the puir beastie efter ‘twas deid. They appruved o’ the verra thing ‘at he was nae doot sorry for.—But onything to haud aff o’ themsels! Nae suner cam the calm, than roun’ they gaed again like the weathercock, an’ naething wad content them bit hingin’ the deid craytur about the auld man’s craig, an’ abusin’ him forby. Sae ye see hoo they war a wheen selfish crayturs, an’ a hantle waur nor the man ‘at was led astray into an ill deed. But still he maun rue’t. Sae Death got them, an’ a kin’ o’ leevin’ Death, a she Death as ‘twar, an’ in some respecks may be waur than the ither, got grips o’ him, puir auld body! It’s a’ fair and richt to the backbane o’ the ballant, Maister Sutherlan’, an’ that I’se uphaud.”
Hugh could not help feeling considerably astonished to hear this criticism from the lips of one whom he considered an uneducated man. For he did not know that there are many other educations besides a college one, some of them tending far more than that to develope the common-sense, or faculty of judging of things by their nature. Life intelligently met and honestly passed, is the best education of all; except that higher one to which it is intended to lead, and to which it had led David. Both these educations, however, were nearly unknown to the student of books. But he was still more astonished to hear from the lips of Margaret, who was sitting by:
“That’s it, father; that’s it! I was jist ettlin’ efter that same thing mysel, or something like it, but ye put it in the richt words exackly.”
The sound of her voice drew Hugh’s eyes upon her: he was astonished at the alteration in her countenance. While she spoke it was absolutely beautiful. As soon as she ceased speaking, it settled back into its former shadowless calm. Her father gave her one approving glance and nod, expressive of no surprise at her having approached the same discovery as himself, but testifying pleasure at the coincidence of their opinions. Nothing was left for Hugh but to express his satisfaction with the interpretation of the difficulty, and to add, that the poem would henceforth possess fresh interest for him.
After this, his visits became more frequent; and at length David made a request which led to their greater frequency still. It was to this effect:
“Do ye think, Mr. Sutherlan’, I could do onything at my age at the mathematics? I unnerstan’ weel eneuch hoo to measur’ lan’, an’ that kin’ o’ thing. I jist follow the rule. But the rule itsel’s a puzzler to me. I dinna understan’ it by half. Noo it seems to me that the best o’ a rule is, no to mak ye able to do a thing, but to lead ye to what maks the rule richt—to the prenciple o’ the thing. It’s no ‘at I’m misbelievin’ the rule, but I want to see the richts o’t.”
“I’ve no doubt you could learn fast enough,” replied Hugh. “I shall be very happy to help you with it.”
“Na, na; I’m no gaein to trouble you. Ye hae eneuch to do in that way. But if ye could jist spare me ane or twa o’ yer beuks whiles—ony o’ them ‘at ye think proper, I sud be muckle obleeged te ye.”