In curtesie was sette ful moche hire lest.[[26]]
Hire over lippë wipëd she so clene
That in hire cuppe was no ferthing[[27]] sene
Of gresë, whan she dronken hadde hire draught.
Ful semëly after hire mete she raught.[[28]]
And sikerly[[29]] she was of grete disport
And ful plesánt and amiable of port,
And peinëd hire to contrefeten chere
Of court,[[30]] and ben estatelich of manére
And to ben holden digne[[31]] of reverence.