Super culpa fratris P. de Arris ordinis Cartusiensis monasterii de Lupateria diocesis Carcassonensis omnes et singuli consiliarii supradicti, tam sæculares quam religiosi consilium dando concorditer dixerunt, contemplatione ordinis sui, quod assignetur sibi pro carcere perpetuo claustrum ct ecclesia monasterii supradicti, et etiam camera una, necnon et injungantur sibi certæ pœnitentiæ, sicut orationes et jejunia et alia quæ non repugnant observantiæ sui ordinis et regulæ supradictæ, et quod non puniatur in sermone publico sed in secreto, præsentibus paucis personis.
Item de personis infra proximo nominatis, auditis corum culpis dixerunt cas judicandas fore ut sequitur:
Richardum de Narbona, nulla pœna puniendum.
Guillelmum Mariæ de Honosio arbitrarie puniendum, cruces simplices, peregrinationes minores.
Favressam matrem prædicti Guillelmi arbitrarie puniendam, sine crucibus, pœnitentias minores.
Guillelmum Cathalani seniorem, Guillelmum ejus filium, Raymundum Veysiani, Bernardum Baronis, P. Lunatii, tanquam impeditores officii, cruces et pœnitentias minores.
Guillelmum Espulgue de Capitestagno immurandum.
Perretam de Flassacho valdensem impœnitentem fore exhumandum.
P. Guillelmi Canorgue de Capitestagno immurandum.
Vincentium Rayses de Caberia mortuum, si viveret, immurandum.