Clemens episcopus servus servorum Dei dilectis filiis fratribus ordinum prædicatorum et minorum inquisitoribus hæreticæ pravitatis per diversas Burgondiæ et Lotharingiæ partes auctoritate apostolica deputatis et in posterum deputandis, salutem et apostolicam benedictionem. Catholicæ fidei negotium quod plurimum insidet cordi nostro in vestris prosperari manibus et de bono in melius procedere cupientes, ac volentes omne ab eo impedimentum et omne obstaculum removeri, præsentium vobis auctoritate mandamus quatinus in eodem negotio de divino et apostolico favore et omni humano timore postposito constanter ac intrepide procedentes circa extirpandam hæreticam pravitatem, tam de Burgondia quam de Lotharingia cum omni vigilantia omnique studio laboretis, et si forsitan magister et minister generalis, aliique priores et ministri provinciales, ac custodes seu guardiani aliquorum locorum vestrorum ordinum prætextu quorumcumque privilegiorum seu indulgentiarum ejusdem sedis dictis ordinibus concessorum ac concedendorum in posterum, vobis vel vestrum alicui seu aliquibus injunxerint seu quoquo modo præceperint ut quoad tempus et quoad certos articulos certasve personas negotio supersedeatis eidem, nos vobis universis et singulis auctoritate apostolica districtius inhibemus ne ipsis obedire in hac parte vel intendere quomodolibet præsumatis. Nos etiam privilegia seu indulgentias hujusmodi ad hunc articulum tenore præsentium revocantes, omnes excommunicationis, interdicti et suspensionis sententias, si quas in vos vel vestrum aliquos hac occasione ferri contingerit, irritas prorsus decernimus et inanes.... Non enim aliqua eis super hujuscemodi inquisitionis negotio vobis immediate a prædicta sede commisso et committendo facultas vel jurisdictio attribuitur seu potestas. Datum Viterbii, Idus Julii, pontificatus nostri anno tertio (15 Jul. 1267).
IV.
Eugenius IV. to the Archbishop of Narbonne.
(Archives de l’Inquisition de Carcassonne.—Doat, XXXV. fol. 184.)
Eugenius episcopus, servus servorum Dei, venerabilibus fratribus Archiepiscopo Narbonensi et ejus suffraganeis Carcassonæ, Sancti Pontii Thomeriarum, Agathensi et Aletensi episcopis, salutem et apostolicam benedictionem. Scripsit nobis vestra fraternitas dilectum filium fratrem Petrum de Turelule, inquisitorem hæreticæ pravitatis in provincia Narbonensi, intendere a nobis aliqua suum officium Inquisitionis et jurisdictionem vestram tangentia petere et impetrare, supplicastisque ut eum in brevi de eo et exorbitantiis suis a jure intenderetis sedem apostolicam informare, nollemus interea quicquam prædicto in vestrum et prælatorum provinciæ præjudicium facere aut concedere; ad quæ respondentes fatemur prædictum Inquisitorem aliquando significasse justam sibi fore quærimoniam adversus nonnullos vestrum se in suo Inquisitionis officio injuste perturbantes, atque etiam pro viribus impedientes, petens sibi per nos viam et modum ostendi quibus taliter in posterum exercere possit officium, ut cum honore Dei et sui officii integritati valeret lites, jurgia, et contentiones ordinariorum effugere et declinare. Cum itaque sit nostræ intentionis prout ex officio pastoralis curæ nobis incumbere non ignoratis, et vos et ipsum Inquisitorem in vestris et suis juribus confovere, et lites ac controversias quæ fortassis inter vos vigerent cum justitia tollere ac terminare, hortamur in Domino vestram fraternitatem ut attente considerantes quod hujusmodi Inquisitores ab ecclesia fuerint instituti ad relevandum ordinarios parte sollicitudinis incumbente illis in favorem et augmentum fidei catholicæ, enervationemque ct extirpationem hæreticæ pravitatis, contenti esse velitis in hac materia dispositionibus et institutis sacrorum canonum, et ad negotium hoc hæresum quo nullum in ecclesia habetur majus, prædictis Inquisitoribus assistere favoribus opportunis. Nam sic gratum erit nobis et summe acceptum quicquid favoris, commodi et adjumenti prædictis a fraternitatibus vestris juxta spem nostram præstabitur, ita molestias et illata eorum laudabili exercitio disturbia cum displicentia audiremus; pro bono autem concordiæ volumus ut gravaminibus propter quæ ab ipso Inquisitore per vos extitit appellatum ab eodem revocatis, lites quæ hodie inter vos pendent indecisæ sopiantur penitus et extinguantur, prout nos illas auctoritate apostolica in eventum revocationis antedictæ ad nos advocantes, tenore præsentium extinguimus, cassamus, et pro extinctis et cassatis haberi volumus et mandamus. Datum Florentiæ anno Incarnationis Dominicæ MCCCC quadragesimo primo Kalendas Julii pontificatus nostri anno undecimo.
V.
Disabilities of Descendants of Heretics.
(Registrum curiæ Franciæ Carcassonæ.—Doat, XXXII. fol. 241.)
Noverint universi prsesentes litteras inspecturi quod nos frater Guillelmus de Sancto Sequano ordinis fratrum prædicatorum, inquisitor hæreticæ pravitatis in regno Franciæ authoritate apostolica deputatus attendentes quod secundum merita personarum debent distribui officia dignitatum, et quia expedit crimina nocentium esse nota, præsertim ilia per quæ extenditur ultio non solum in autores scelerum sed in progeniem dampnatorum, ideo nos ad instantiam procuratoris domini regis in seneschallia Carcassonæ de infrascriptis sibi copiam fieri postulantis, ad honorem Dei et fidei munimentum per nos ipsos exquisivimus et per discretum virum dominum Raimundum rectorem ecclesiæ de Mouteclaro publicum notarium Inquisitionis nostræ perquiri et inspici fecimus diligenter in libris et actis publicis Inquisitionis prædictæ, et invenimus quod anno Domini MCC quinquagesimo sexto Guiraldus de Altarippa quondam de Graoleto qui dicitur fuisse pater Guiraldi de Altarippa servientis armorum domini regis, confessus fuit in judicio coram Domino Bernardo de Monte-Atono tunc inquisitore hæreticæ pravitatis, quod viderat hæreticos et verba eorum audiverat. Item invenimus quod Lombarda uxor dicti Guiraldi, quæ dicitur fuisse mater præfati Guiraldi de Altarippa servientis armorum domini regis, coram eodem inquisitore et eodem tempore confessa fuerit quod multotiens in diversis locis vidit hæreticos ct eos pluries adoravit misitque eis panem et poma et credidit eos esse bonos homines et quod posset salvari in fide eorum. Item invenimus in eisdem libris quod Raimundus Carbonelli de Graoleto, qui dicitur fuisse avunculus dicti Guiraldi servientis domini regis fuit hæreticus perfectus et per fratrem Stephanum Gastinensem et Hugonem de Boniolis tunc inquisitores hæreticæ pravitatis, et tanquam hæreticus curiæ sæculari relictus et per ministros curiæ domini regis Carcassone publice, ut hæreticus et relapsus, combustus anno Domini MCC septuagesimo sexto. De quibus omnibus de nostris libris et actis publicis extractis fideliter dicto procuratori domini regis copiam fecimus, et omnibus quorum interest per ipsum fieri volumus, non ad suggilationem vel injuriam alicujus sed propter bona quæ agit vel excipit, vel propter posteros in quos parentum præfati criminis sceleratorum proserpit infamia, ne contra constitutiones domini regis vel sanctiones canonicas ad honores vel officia publica ullatenus admittantur. In cujus rei testimonium sigillum nostrum præsentibus duximus apponendum. Datum Carcassonæ decimo septimo Kalendas Julii, anno Domini MCC nonagesimo secundo.
VI.
Minutes of an Assembly of Experts.
(Doat, XXVII. fol. 118.)
Anno Domini MCCC vicesimo octavo, indictione undecima, die Veneris in festo Stæ. Leocadiæ virginis, intitulata quinto Idus Decembris pontificatus SSmi. domini nostri Domini Joannis divina providentia papæ XXII. anno decimo tertio, venerabiles religiosi et discreti viri frater Henricus de Chamayo ordinis prædicatorum in regno Franciæ auctoritate regia et Germanus de Alanhano archipresbyter Narbonesii, rector ecclesiæ Capitistagni in civitate et diocesi Narbonensi auctoritate ordinaria, inquisitores pravitatis hæreticæ deputati, volentes in negotio fidei de consilio discretorum et peritorum procedere, convocarunt in aula seu palatio majori archiepiscopali Narbonæ dominos canonicos, jurisconsultos, peritos sæculares et religiosos infrascriptos (sequuntur nomina 42) qui omnes superius nominati juraverunt ad sancta Dei evangelia dare bonum et sanum consilium in agendis, unusquisque secundum Deum et conscientiam suam, prout ipsis a Domino fucrit ministratum et tenere omnia sub secreto donec fuerint publicata, et ibidem præstito juramento, lectis et recitatis culpis personarum infrascriptarum, petierunt præfati domini inquisitores consilium ab eisdem consiliariis quid agendum de personis prædictis, et divisim et singulariter de qualibet, ut sequitur: