Vivens vita meum corpus nunc deserit omne.
Nam me visus homo polcer per amœna salicta
Et ripas raptare, locosque novos: ita sola
Post illa, germana soror, errare videbar;
Tardaque vestigare, et quærere, neque posse
Corde capessere: semita nulla pedem stabilibat.
Exin compellare pater me voce videtur
Heis verbis—O gnata, tibi sunt antegerendæ
Ærumnæ; post ex fluvio fortuna resistet.
Hæc pater ecfatus, germana, repente recessit;