Omnis cura vireis, uter esset Endoperator.
Exspectant, veluti consol, quom mittere signum
Volt, omneis avidei spectant ad carceris oras,
Qua mox emittat picteis ex faucibus currus.
Sic exspectabat populus, atque ore timebat
Rebus, utrei magnei victoria sit data regnei.
Interea Sol albus recessit in infera noctis:
Exin Candida se radiis dedit icta foras lux:
Et simol ex alto longe polcerrima præpes
Læva volavit avis: simol aureus exoritur sol.