Hocque sui vicium vicii vult pandere glosam,
Dum furit impaciens, ira reuelat eum:
Mendacisque diu pietatis fallitur vmbra,
Tam cito, cum grauius quid sibi ferre velis.
Sic lupus agnelli tectus sub vellere dentes
Nudat, et infecta pandit operta mala:
Sub vicii taxa sic virtus victa laborat,
Liber et a seruo nil modo iuris habet.210
Ad placitum viciis laxantur frena pudoris,
Vt tollant gratam moribus ire viam.