Tempus adhuc plangit super hoc, quod cronica tangit.
Libro testante, stat cronica scripta per ante;
Est alibi dicta, transit nec ab aure relicta:10
Audistis mira, vulgaris que tulit ira:
Omnibus in villis timuit vir iustus ab illis.
Qualiter infortunatus rex Ricardus, virgam dei non metuens, de malo in peius suam semper maliciam continuauit.
Rex induratum cor semper habet, neque fatum
Tale remordebat ipsum, qui iure carebat:[655]
Stultorum vile sibi consilium iuuenile
Legerat, et sectam senium dedit esse reiectam: