Iudicium tale fuit exilium generale:
De terra dempti sic sunt, non ense perempti;
Est ita dilata procerum sentencia lata.
Qualiter parliamentum gradatim processit, precipue contra illos qui regis iniqui fautores iniqui fuerunt, quorum Simon de Burle[666] miles, tunc regis Camerarius, in iudicio conuictus mortis sentencia decollatus est.
Hoc facto querunt alios, qui tunc latuerunt,
Quorum regalis Camerarius est capitalis.
Corruit in fata gladii vestis stragulata;140
Stat quia non recta, magis est culpanda senecta:
Lacrima Regine dum poscit opem medicine,
Obrutus amittit caput et sua funera mittit.