Iudicibus reliquis falsisque scienter amicis,[668]170
Vt patet ante nota, conclamat curia tota:
Vrbs, ager et villa damnarunt falsa sigilla,
Que dederant causam sceleris regi, magis ansam.[669]
Non fuit hec pena, delictis que fore plena
Posset, et hoc certe vox plebis dixit aperte;[670]
Set nimis ornate penam ficta pietate
Pontifices regis moderantur ab ordine legis:
Sic non ense cadunt, set in exilium mare vadunt,
Quos inconsultos suscepit Hibernia stultos.