Describam primo, quo pallent alta sub ymo.
Nescio quid signat, plebs celica iura resignat,
Dum laicus clausas fidei vult soluere causas,
Que deus incepit et homo seruanda recepit:
Iam magis eneruant populi quam scripta reseruant,
Vnde magis clarum scribere tendo parum.
Lollia messis habens granum perturbat et ipsum,20
Talia qui patitur horrea sepe grauat:
Semina perfidie sacros dispersa per agros
Ecclesie turbant subdola sicque fidem.