O natura viri, que naturatur eodem
Quod vitare nequit, nec licet illud agi!
O natura viri, duo que contraria mixta
Continet, amborum nec licet acta sequi!
O natura viri, que semper habet sibi bellum
Corporis ac anime, que sua iura petunt!30
Sic magis igne suo Cupido perurit amantum
Et quasi de bello corda subacta tenet.
Qui vult ergo sue carnis compescere flammam,
Arcum preuideat vnde sagitta volat.