Omnes post lauacrum temptacio multa fatigat,
Demonis ars, carnis pugna, cupido grauis:[315]
Nunc stat et abstat homo, flat et efflat, floret et aret,[316]
Nec manet vllus ei firmus in orbe gradus.10
Incipit ecce mori vir, cum iam fuderit aluo
Mater eum, quem post terminat hora breuis:
Infantem fletus, puerum scola, luxus adultum,
Ambicioque virum vexat auara senem;
Sola nec vna dies homini tam leta ministrat,
Quin dolor ex aliqua parte nocebit ei.