Querunt propterea plures cur tempus et aura
Stat modo deterius quam solet esse prius:
Querunt cur tanta nobis quasi cotidiana
Assunt insolita nunc grauiora mala:40
Nam nichil in terra contingens fit sine causa,
Sicut Iob docuit, qui mala multa tulit.
Se tamen inmunes cause communiter omnes
Dicunt, vt si quis non foret inde reus;
Accusant etenim fortunam iam variatam,
Dicentes quod ea stat magis inde rea.